भोजपुरी देवी पचरा गीत (कहरवा धुन) – रीझेली भवानी |

भोजपुरी देवी पचरा गीत (कहरवा धुन) – रीझेली भवानी |
लाल लाल अड़हुल फुलवा टहकत डार |
ओहि फुलवा रीझेली भवानी |
अड़हुलवा सजल काली दरबार |
ओहि फुलवा रीझेली भवानी |
हथवा कटार माई चमचम चमकेला|
गरवा बीच हार माई महमह महकेला |
सिरवा ओढ़ेली भवानी ललका ओहार |
ओहि फुलवा रीझेली भवानी |
फुलवा लवंगीया माई के आहार हो |
झुमत झामत आवा घरवा हमार हो |
गिरले चरनिया भगता करा उपकार |
ओहि फुलवा रीझेली भवानी |
गिरि चरनिया रोई गावे भारती पचरवा हो |
किरीपा करा काली माई ओढ़ावा अचरवा हो |
जागा जागा देवी करा उजियार |
ओहि फुलवा रीझेली भवानी |
अड़हुलवा सजल काली दरबार |
श्याम कुँवर भारती (राजभर)
कवि /लेखक /गीतकार /समाजसेवी
बोकारो झारखंड मोब -995550928

Related Articles

Responses

+

New Report

Close