भोजपुरी देश भक्ति गीत- भारत महान हो |

भोजपुरी देश भक्ति गीत- भारत महान हो |
हमरा हउवे जेकरा पर गुमान हो |
उ त हउवे हमरो भारत महान हो |
लोहा माने जेकरा दुनिया जहान हो |
उ त हउवे हमरो भारत महान हो |
जनवा से बढ़िके के माने सब अपने देशवा |
भिन्न भिन्न जाती हउवे भिन्न बाटे भेषवा |
सिमवा पर डंटल हरदम हमरो जवान हो |
उ त हउवे हमरो भारत महान हो |
ऊंचा रे गगन फहरे मगन मोर तिरंगवा |
मारी के भगाई दिहले गोर फिरंगवा |
जनवा गवाई हमहु आपन हिंदुस्तान हो |
उ त हउवे हमरो भारत महान हो |
जान चली जाई देशवा शान न जाई |
कफन पहिन आई देशवा आन न जाई |
सबके हउवे अपने हिन्द अभिमान हो |
उ त हउवे हमरो भारत महान हो |

श्याम कुँवर भारती (राजभर)
कवि /लेखक /गीतकार /समाजसेवी
बोकारो झारखंड मोब -9955509286

Related Articles

Responses

  1. भोजपुरी भाषा का सम्मान बढ़ाती हुई देश के प्रति प्रेम समर्पित करती हुई बेहद सुंदर गीत

New Report

Close