भोजपुरी प्रेम गीत – तू बुझ लेतु ना |
भोजपुरी प्रेम गीत – तू बुझ लेतु ना |
हमरो मनवा तू बुझ लेतू ना |
दिलवा के भाव जान समझ लेतु ना |
कईली तोहसे प्यार यार कइसे बताई |
बताई केतना बतिया केतना ना बताई |
गोरी बनिके चम्पा महक लेतू ना |
हमरो मनवा तू बुझ लेतू ना |
चढ़ल बा मनवा तोहरे प्यार के शरूर बा |
छोडब ना तोहके तोहे पावे के जरूर बा |
प्यार के नसवा तनी बहक लेतु ना |
हमरो मनवा तू बुझ लेतू ना |
चुनरिया सम्हारा उड़ावेला पवनवा |
नजरिया के बान मुआवेला परनवा |
खिल के फुलवा जान महक लेतु ना |
हमरो मनवा तू बुझ लेतू ना |
गोर बदनवा जईसे चमके बिजुरिया |
देखि कारी केसिया लजाले बदरिया |
बनी के बदरिया जान बरस लेतु ना |
हमरो मनवा तू बुझ लेतू ना |
श्याम कुँवर भारती (राजभर)
कवि /लेखक /गीतकार /समाजसेवी
बोकारो झारखंड मोब -995550928
अतिसुंदर भाव
धन्यवाद्फ पंडित जी
सुन्दर
धन्यवाद सुमन जी
सुन्दर रचना
धन्यवाद पांडेय जी
सुंदर
आभार
नीमन गीत बा
दिल से हार्दिक आभार बा राउर प्रज्ञा जी