Category: भोजपुरी कविता

भोजपुईर देवी गीत 5- डाली दा नजरवा |
अइली चनरनवा माई डाली दा नजरवा |
टूटल हमरा दुख के पहड़वा |

रानी महारानी माई दानी तू कहालू हो |
दयालु कृपालु माई काली तू कहालु हो |
लागल हमरो अरमनवा भरी दा चदरवा |
अइली चनरनवा माई डाली दा नजरवा |

अंधरा के आँख बांझन के पुत्र तू देलु हो |
कोढ़ियन के काया निर्धन के माया देलु हो |
करेला जय जयकर गाँव पूरा नगरवा |
अइली चनरनवा माई डाली दा नजरवा |

जगजननी माभवानी लोगवा कहेला हो |
हो जाला उद्दार उनकर माई जे पूजेला हो |
दे दा शरनिया देवी अपने पजरवा |
अइली चनरनवा माई डाली दा नजरवा |

श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -995550928

भोजपुरी पूर्वी लोक गीत- कररवा ये रजऊ

कई के कररवा ये रजऊ|
करेजा काहे काढ़ी हो गईला |
पलटी के ना देखला ये करेजउ |
धोखा मे हमके डाली हो गईला |
बोला बोला ये बेईमनवा |
कईला काहे करेजवा कठोर |
देखाई के हमके सपनवा |
बीच भवरा छोड़ी हो गईला |
कई के कररवा ये रजऊ|
सुना सुना ये घटिहउ
छतिया फाटेला हमार |
पकड़ी के हमरो कलईया |
छोड़ी हमरा तू छलिया हो भईला |
कई के कररवा ये रजऊ|
आवा आवा हमरे लगवा आवा |
माना ना बतिया हमार |
भरी अंकवारिया हो हमके |
प्यार हमके खाली हो कईला |
कई के कररवा ये रजऊ|
करेजा काहे काढ़ी हो गईला |

श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -995550928

भोजपुरी देवी गीत 1 – बीच भवर मे नईया |

लड़का- माई आवा ना दरस दिखावा ना |
अईले नवरातन देर लगावा ना |
लड़की -चाहे मरब चाहे जीयब तोहके भोगवा लगाना है |
बीच भवर मे नईया माई तोहके पार लगाना है |

लड़का -लेके चुनरिया फूल अड़हुलवा के |
नारियल सुपारी भावा हमरे दिलवा के |
लड़की – होई चाहे देरिया माई बिना दरस नहीं जाऊँगी |
गईया के घिउया माई आरती तेरी उतारूंगी |
बेटी हम तोहार तोहके माई बन के दिखाना है |
बीच भवर मे नईया माई तोहके पार लगाना है |

लड़का- गावे संतोष भजनिया भारती हथवा दोनों जोड़ी के |
अइली तोहरे दुअरिया माई दुनिया सारी छोड़ी के |
लड़की – करो किरीपा माता अंसुवन चरण मै धोऊँगी |
गोदी मे बलकवा अँचरा सुखवा मै पाऊँगी |
लड़का – केहु नाही हमार जगवा असरा तोहरे लगाना है |
बीच भवर मे नईया माई तोहके पार लगाना है |

श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -9955509286

भोजपुरी गजल- देशवा ई जोहत बा

केहु जीत के जश्न मानवत केहु हार के रोना रोवत बा |
कही बाजे ढ़ोल नगाड़ा कही केहु भाग के कोसत बा |
जे जितल बा उनके इनाम ई खूब मिल गईल |
जे हारल बा उनको सबक ई खूब मिल गईल |
जनता बाड़े पंच परमेशवर जेवन चाही तेवन होवत बा |
मिल गइल गद्दी सबदिन रही ई कबहु न होला |
दिन दुखियन गरीबन देशवा भूली मस्त रहेला |
उतरीहे खींच के बहियाँ लोगवा ,राजपाट सब खोवत बा |
जे हारेला त का होला उहो जंग बीर कहाला |
हारल योद्धा ताल ठोकी बने फिर मतवाला |
पकड़ि रखिहा जमीनिया हरदम बीतल दिनवा लउटत बा |
देशवा चलावल केवनों हंसी खेल ना होला ये भइया |
मिटावे जे गरीबी बेकारी कबहु फेल ना होला ये भइया |
भूलिहे जे जनता जनारदन धई कपारी खूब रोवत बा |
मिल गइल मौका तनी चलईहा देशवा सम्हाल के |
काम भइल जेतना बेसी तनी करिहा कमाल के |
होखे नाम दुनिया ई तिरंगा भारती देशवा ई जोहत बा |

श्याम कुँवर भारती (राजभर )कवि /लेखक /गीतकार /समाजसेवी
मोब।/व्हात्सप्प्स -9955509286