Shri Krishna

Koi kahe Murari,
Koi kahe Girdhari,
Koi kahe Kanha,
Bas ussi ko hai maana,
Jagannath hi nahi, baake bihari bhi kehlata hai,
Murli hi nahi keval ye sudarshan bhi uthata hai,
Ek haath mein kumodgi toh doosre mein kamal woh sajata hai,
Sabke kasht har kar hari woh kehlata hai,
Radha hi nahi gopiyaan bhi jiski deewani hai,
Sabse manmohak sansar mein bas wahi ek praani hai,
Hai devki ki santaan ye maa yashoda ka dulara hai,
Poore jagat mein na humare krishna se koi pyaara hai,
Hai baldau ka anuj ye karmon ka vidhata hai,
Jisne diya sansar ko geeta ka gyaan dharm ke ye wahi gyata hai.