Wo Sunday ka din

Sunday tha,
Bistar se uthneka kisko man rehta hai?
Garam chai pineka aur purane gane suneka din rehta hai,
Papa ne haaton me thaili pakda di,
Barish ka masum tha,
Chatri lekar mai bhi nikal padi market ke aur,
Chatri ka ek faida hai,
Hum apni shakal chupa kar chal skte hai,
Jab tak mai chalte chalte market pahuchi,
Baarish ruk gayi,
Toh maine chatri rakh di,
Rakhte hi, mere samne wale raste me meri nazar gayi,
Meri dhadkan tez hogayi,
Uski chehre ki woh muskurahat,
Uski ankho ki woh chamak,
mai yeh nahi chahti thi ki woh mujhe dekhe,
Lekin meri nazare usse kaha hatrahi thi,
Mai nahi chahti thi ki uski woh chamak gayab ho jaye,
Uske saath joh ladki thi woh mere se zyda sundhar thi,
Lekin woh baat mujhe nahi satarahi thi,
Merko pata hai ki usne uska dil pahile dekha hoga,
Kya uska dil mere se accha tha?
Kya woh mere jaisa usse pyaar karti thi?
Usne mujhe dekha ,
Maine usse dekha,
Lekin uske ankhon me dukh ya udasi ki jhalak nahi dikhi,
Balki ek pyaari si muskurahat uske hothon se nikal gayi,
Lekin me muskura nahi payi,
Koshish ki,
Mai usse ghurte khadi ho gayi,
Woh chala gaya,
Mai udhar hi usse jate dekh khadi hogayi,
Merko yeh nahi samaj raha tha,
Ki mai uske liye khush hou,
Ya mere liye dukhi,
Pyaar bhi toh aise gajab ka kiya tha,
Baarish wapis shuru hogayi,
Papa ne pucha ‘sabzi nahi layi?’
‘ Nahi , baarish shuru hogayi’
Aur sawalon ka jawab dene se bachne ke liye mai apni room me bhag gayi,
Unhe kaise batau ki sabzi kharidne gayi thi lekin apna dil bech ke aa gayi,
Apne headphones Kano mai lagaye ,
Aur bistar odhkar apne ankh band karliye,

” Raste me joh Milo toh haath milane Rukh Jana,
Sathme koi ho tumhare durse hi tum muskanaa”