Kaash life me ek rewind button hota
Kaash life me ek rewind button hota !
Meri har galti Ko sudharneka
Mere pass fir ek mauka hota
Agar life me ek rewind button hota!
Har Khushi k haasen Lamhe Ko
Do Baar jeena likha hota
Agar life me ek rewind button hota!
Na Jane iss zuban ne kitne dilo Ko dukhya hai
Apne anginat shabdo se kitne shikwo Ko paya hai
uss har gileh Ko mitane ka
shayad ek aur mauka hota
Agar life me ek rewind button hota!
Zindagi najane kyu itni khafa hai mujhse
Khushi k ek pal dete hue ghamo k Sagar me mujhe nehlati hai
Usi me dubte kabhi ek tinke ka Sahara hota
Agar life me ek rewind button hota!
Har Roz akhbaro k kisi kone me
Desh k saputo ki dastan chapi Hoti hai
Unki shahadat ka mauka kismat se chin kar Mai dikhata
Agar life me ek rewind button hota!
Apni galtiyo se pareshan ho kar
Kai maasum apni ankhe moond lete hai
Us har na samajh Ko zindagi jeene ki ek aur wajah Mai ban jata
Agar life me ek rewind button hota!
Lekin….
Is Zindagi Ko jeene ka kya matlab hota
Agar har Baazi Ko sudharneka ka sabko fir mauka hota
Bhala aaisi jeet ka bhi kya koi maza hota?
Isliye …
Life me rewind button nahi hota!
Galtiyo se sikhna na kabhi kisi Ko aata
Bhul ka dukh na kabhi koi seh pata
Ye na kabhi koi Insan samajh pata ki kyu Kalam ki syahe mitane ka Tod nhi hota
Isliye…
Life me rewind button nahi hota!
Zindagi k Raaz Ko tumne kaha Kareeb se dekha
Murkh hriday Ko Vash me karna Abhi na tumne sikha
Khushi k Palo Ko chod dukho ki yadon me dubaye tumhe hai ye rulata
To soch ek he dukh tu kitni Baar jhel pata?
Har wakt use jee k puri zindagi rota firta
Isliye…
Life me Rewind button nahi hota
Sikh , samajh aur dekh is Jahan k taur tarike
Mushkilo se he takrake to har Insan hai sikhe
Dekh Kudrat ka Karishma har Baar nahi hota
Isliye….
Life me rewind button nahi hota!
Written by
– Darshan Vijay Ganeshpure
वाह