Sone do

Aaj kehta woh naujawan,

Anek hai sapne khone ko,

Yeh desh kabhi na badlega,

Humko toh bus tum sone do !

Jo soye hum toh sapne bunenge,

Chaadar taane, bistar bhigone do,

Jis rakt ki hai taalash tumko,

Sarhado pe bahe woh khone ko !

Koi noche jo aabroo tumhari,

Toh kaano main kapaas pirone do,

Na sunenge woh tharraati cheekhein,

Bikhri bebas use rone do !

Chaahe jaat-path naasoor ban jaaye,

Sapne apne hume sanjhone do,

Kabhi toh khoon yeh khoulega,

Par abhi tum humko sone do