भोजपुरी देवी पचरा गीत- सोनवा असनवा देई के |
काली मइया के बोलईबे सोनवा असनवा देइके |
मोर महारानी के सुनइबे गीतवा डासन गाइके|
केवन सवारी चढ़ी अईहे मोर मईया ,
केवन रुपवा है काली |
सिंह सवारी चढ़ी अईहे मोर मईया,
सांवर रूपवा है बुझाली |
काली मइया के बोलईबे सोनवा असनवा देइके |
केवन देशवा फइलल कोरोनवा ,
सबके बड़ा सतावे |
केवन देशवा मरी गए लोगवा ,
हो गइले घरवा खाली |
काली मइया के बोलईबे सोनवा असनवा देइके |
भारत देशवा मरी गए लोगवा ,
केहु कुछ समझ ना पावे |
आके देवी भगावा रोगवा ,
सब जनवा बचावे के सवाली |
काली मइया के बोलईबे सोनवा असनवा देइके |
तोहरे बिना हे काली मइया ,
केहु ना दुखवा मिटाई |
रक्षा कारा हे मात भवानी ,
कोरोनवा बड़ा है दुखदाई |
तोहके चढ़इबे फूल अड़हुलवा ,
किरीपा करा हे खप्परवाली|
काली मइया के बोलईबे सोनवा असनवा देइके |
श्याम कुँवर भारती (राजभर)
कवि /लेखक / गीतकार /समाजसेवी
बोकारो झारखंड ,मोब -9955509286
Leave a Reply
You must be logged in to post a comment.