भोजपुरी सरस्वती वंदना – मईया दया कईदा |
रात दिन मईया तोहरे नामवा के जापी ,
हमपे दया कइदा |
तनी देतु दर्शनवा मईया दया कइदा |
रात न चयन पड़े दिन ना चयनवा |
तोहरे के देखे खातिर तरसे नयनवा |
अबोध बलकवा हमके गोदिया मे राखी |
हमपे दया कइदा |
तनी देतु दर्शनवा मईया दया कइदा |
बिदद्या के देवी माई देलु सबके ज्ञान हो |
बुद्धि लरकाई माई हम हई नादान हो |
अज्ञानी अनाड़ी हमहु कही बात सांची |
हमपे दया कइदा |
तनी देतु दर्शनवा मईया दया कइदा |
हंस के सवारी शारदा हथवा मे बिनवा |
बल बुद्धि दे दा हमके फेरा हमरो दिनवा |
लिखी लिखी गीतिया नाम तोहरो हम बाँची |
हमपे दया कइदा |
तनी देतु दर्शनवा मईया दया कइदा |
श्याम कुँवर भारती (राजभर)
कवि /लेखक /गीतकार /समाजसेवी
बोकारो झारखंड मोब -9955509286
Leave a Reply
You must be logged in to post a comment.