किलै खिलना हौला
साल भरि में एक्कै बैर गुलाब
वन भरि कुइयाँ फुलि रौ
घर-घर गुलाब।
दिखै बेर चार दिनैकि
रंग-बिरंगी चमक,
फिर पैंली को झौ
कांडा वालो है जाँ गुलाब।
नै खिलनो त कि हुनो
खिलिगौ त की भौ
मन लगूनै में छ हिसाब।
खिली गौ छ्यो त
क्वे दिनौ रै जानो
आपना मनै कि कै जानो।
— डॉ0 सतीश चंद्र पाण्डेय, (पीएचडी), चम्पावत।
कुमाउँनी कविता
Comments
2 responses to “कुमाउँनी कविता”
-
बहुत सुन्दर पंक्तियाँ
-
बहुत धन्यवाद
-
Leave a Reply
You must be logged in to post a comment.