भोजपुरी गीत – दिल ना लगे

Written by

भोजपुरी गीत – दिल ना लगे
सुखी के कांटा भईली रानी तोहरे इंतजार मे |
दगा काहे दिहलु रानी बोला हमके प्यार मे |

आजा तनी गोरी लगवा बिना तोहरे दिल ना लगे |
जिरह करा जनी गोरी इश्क केवनों वकील ना लगे |

कटी जाला दिनवा कसहूँ नींदिया भोराइल रतिया |
करा जनी नादानी सजनी माना मोर बतिया |
करा हमसे प्यार यार कबों बेदिल ना लगे |
आजा तनी गोरी लगवा बिना तोहरे दिल ना लगे |

चाँद के अंजोरिया बदलवा मुंहवा निहारेला |
अँचरा उड़ावेलु त पवन तनवा झंकोरेला |
दिलवा के बात रानी कबों अश्लील ना लगे |
आजा तनी गोरी लगवा बिना तोहरे दिल ना लगे |

कनवा मे बाली लटके ,बिंदिया मथवा मे चमकेला |
अँखिया कजरा टहके केसिया गजरा खूब महकेला |
डुबावा जनी अँखिया हमके भारती झील ना लगे |
आजा तनी गोरी लगवा बिना तोहरे दिल ना लगे |

श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -995550928
ईमेल- shymakunvarbharti@gmail.com