भोजपुरी छठ गीत 9 – चला धीरे धीरे
भोजपुरी छठ गीत 9 – चला धीरे धीरे
सइयाँ दउरा लेके छठी घाट चला धीरे धीरे |
डूबते सुरुजमल अरघिया चढाइब तीरे तीरे |
खुश होइहे छठी मईया किरीपा खूब करीहे |
पूरा करीहे मनसा हमरो अँचरा भरी दिहे |
सुपवा सजवली संगवा हमरे चला भिरे भिरे |
सइयाँ दउरा लेके छठी घाट चला धीरे धीरे |
नदिया किनरवा घाट आज मेला खूब लागी |
धूप दिया नारियर केरा लेला तनी आगी |
छठी मईया मनाइब बहाई नैना नीरे निरे |
सइयाँ दउरा लेके छठी घाट चला धीरे धीरे |
गोदीया बलकवा दिहे घरवा अन धनवा |
ब्र्म्हा मानस पुत्री मईया लागल मोर मनवा |
बड़ा रे कठिन छठ बरतिया करा धीरे धीरे |
सइयाँ दउरा लेके छठी घाट चला धीरे धीरे |
श्याम कुँवर भारती (राजभर)
कवि /लेखक /गीतकार /समाजसेवी
बोकारो झारखंड मोब -9955509286
छठ मैया पर बहुत सुंदर गीत
jay chchathi maiya
बहुत सुंदर रचना
jay chhathi maiya
Very good
jay chchathi maiya
अतिसुंदर
सुन्दर रचना
jay chhathi maiya