भोजपुरी देवी गीत 2 -अबोध बलकवा जानी |

Written by

माई मोर कईली शेरवा सवारी जी |
अईले भक्त देवी तोहरी दुआरी जी |

आपन रूपवा ये माई हमके तू दिखईह |
अबोध बलकवा जानी जनी तू भुलईह |

बहुते असरा लगाई अइली तोहरी दुआरी |
बजरे तोहार माई खोला तू केवाड़ी |
दरस के पियास आस हमरो तू मिटइह |
अबोध बलकवा जानी जनी तू भुलईह |

दिन दुखियन के दुखवा तू हरेलु |
कोढ़ियन के काया बांझ अँचरा तू भरेलु |
हम हई भिखारी हमके खाली जनी लउटइह |
अबोध बलकवा जानी जनी तू भुलईह |

शुंभ के मरलु जाई निशुंभ के मरलु |
दुर्ग रक्षसवा चढ़ी गरदन उतरलु |
संतोष भारती आई सारथी तू बनी जइह |
अबोध बलकवा जानी जनी तू भुलईह |
श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -9955509286