भोजपुरी लोक गीत – मती जा तू नोकरिया |
नायिका – लगइबा ना मसकिया ये सइया जी |
भुलईहा ना पिरितीया ये सइया जी |
सगरो कोरोनवा फइलल हो |
पिया मती जा तू नोकरीया हो ना |
नायक – रासन पानी आई कईसे |
लइका पलाई कइसे |
ये रानी तोरी भोरी सुरतिया ,
जाये दा ना बिदेशवा हो ना |
नायिका -जइबा जे बिदेशवा बीमार होई जइबा |
धई लेई कोरोनवा बेकार होई जइबा |
राजा जनी जा बिदेशवा हो ना |
नायक – बहरवा कोरोनवा धरी ,
घरवा भूखिया से मरी |
बोला कईसे रही घरवा हम मरदनवा |
गोरी जाये दा बिदेशवा हो ना |
नायिका-पिया घरवे मे रहा हमरे नजरवे मे रहा |
खेतवा मे हरवा चलावा बजरवा उगावा |
पिया मती जा तू नोकरिया हो ना |
श्याम कुँवर भारती (राजभर)
कवि /लेखक / गीतकार /समाजसेवी
बोकारो झारखंड ,मोब -995550986
Leave a Reply
You must be logged in to post a comment.