सईया अइले ना भवनवा

भोजपुरी होली 11 – सईया अईले ना भवनवा |
होली खेले तरसे मोर मनवा ना |
सइयाँ अइले ना भवनवा |
सबकर लऊटी अइले सजनवा ना |
उड़ेला गुलाल अब गगनवा |
छोड़ा नोकरिया सइया घरे चली आवा |
होलिया मे सइया जनी छछनावा |
धक धक धड़के मोर परनवा हो |
सइयाँ अइले ना भवनवा |
सइया तोहरी याद मोर बरसे नजरिया |
फागुन मे रंगवा खेले तरसे गुजरिया |
पगली कहे हमके जमनवा हो |
सइयाँ अइले ना भवनवा |
अइबा जे घरवा सोरहो सिंगार हम करब |
रंगवा अबिरवा तैयार हम करब |
खेलब संगवा होली इहे बा अरमनवा हो |
सइयाँ अइले ना भवनवा |

श्याम कुँवर भारती (राजभर)
गीतकार /कवि /लेखक
ढोरी ,बोकारो ,झारखंड
मोब -9955509286