mera mehboob mera sanam hai…

SHRINGAAR KI EK RACHNAA
———————————————————-
mera mehboob mera sanam hai…I
—————————————————–
saawan ka baadal——
hai unke aankho ka kaajal
mayur sa mnn hai nritymay
bhaavnaao ki baarish hui hai,
muhabbat ki guzarish hui hai
is dharkan ko milaa jo mausam hai—-
wo–mera mehboob–mera sanam hai

chehre ki laali–surat bholi-bhaali
muhabbat ki libaas–hayaa kaa shringaar hai
ehsaas,aitbaar aur pyaar ki triveni—
ka, jivan mei jo sangam hai—-
wo– mera mehboob–mera sanam hai

tanhaai bhi jhoom uthi hai,
shahnaayee ne umang jagaayee hai
sooni-sooni thi khushiya bechaari
mehandi nei use sajaayee hai
muskuraahato se sugandhitt jo vaataavaran hai—
wo–mera mehboob–mera sanam hai

hasee mei chhupi hai-Radhaa ki sharaaratei
baato mei jaise—vanshi ki taan
saath jinke–jivan kaa pal-pal
ho gyaa hai khushiyo kaa vardaan
is dil mei kashish ka Jo samaagam hai
wo–mera mehboob–mera sanam hai

raahe mushqil , prr aasaan lagtee hai
khushiyaa harpall mehmaan lagtee hai
sawar gayaa hai zindagi kaa har lamhaa
hasi,khilkhilaahate meharbaan lagtee hai
khudaa ka mujhpar–jo hasin karam hai
wo–mera mehboob–mera sanam hai ……….I

—————-Ranjit Tiwari “Munna”