भोजपुरी गीत- अपने देशवा के

Written by

भोजपुरी गीत- अपने देशवा के
तनी बने दा कपतान गोरी हमके देशवा के |
बदला चुकाइब तहिया हमहु अपने देशवा के |
तनी बने दा कपतान गोरी हमके देशवा के |

जाइब जहिया सिमवा दुशमनवा ललकारब |
फटी जाई छतिया दुशमन जईसे शेरवा दहाड़ब |
मारी गिराइब गोलिया सबके निमनवा से |
तनी बने दा कपतान गोरी हमके देशवा के |

डरब नाही तनको हमरो छप्पन इंची छतिया |
ओढ़ब कफन तिरंगवा सुना मोर संघतिया |
घुसे नाही देईब घुसपैठिया एको बिदेशवा के |
तनी बने दा कपतान गोरी हमके देशवा के |

हमरो माई हमके आफ्न दुधवा पियवले |
खिलाई पिलाई गबरू जवनवा बनवले |
हिन्द के टोपी जूता मारब उनके बंदूकवा से |
तनी बने दा कपतान गोरी हमके देशवा के |

नसवा मे दौड़े गोरी हमरे हिन्द लाल खुनवा |
मरे खातिर देशवा हिलोरे मोर जनुनवा |
सेना वाली वर्दी पहिनब सलाम यही भेषवा के |
तनी बने दा कपतान गोरी हमके देशवा के |

श्याम कुँवर भारती [राजभर] कवि ,लेखक ,गीतकार ,समाजसेवी ,

मोब /वाहत्सप्प्स -9955509286