भोजपुरी गीत – बड़ा प्यार आवेला |
हमके त यार याद तू हर बार आवेला |
काहे हमके त तोहरे पर बड़ा प्यार आवेला |
मिलना होई की ना हमके कुछउ ना पता |
हमार जान हऊ मत करिहा तू हमसे खता |
प्यार बा तोहरे दिल मे इ बस सवाल आवेला |
हमके त यार याद तू हर बार आवेला |
उजड़ल दिल के कब सजईबु बतावा हमके |
बन के फूल कब महकइबु सुनावा हमके |
तोहरा अईले से उजड़ल बाग मे बहार आवेला |
हमके त यार याद तू हर बार आवेला |
हंसेलु त जईसे मुहवा तोहरे मोती झरी जाला |
देखी मुस्कान दिलवा हमरे बिजुरी गिरि जाला |
आवा बहार बनके सुनी जिनगी ई विचार आवेला |
हमके त यार याद तू हर बार आवेला |
मुहवा तोहार टुकड़ा चान जस लगेला अंजोर |
उठेला पलक आँख तोहार सांझ लगेला भोर |
सिवा तोहरे ना केवनों अब दिलदार भावेला |
हमके त यार याद तू हर बार आवेला |
श्याम कुँवर भारती (राजभर )
कवि /लेखक /गीतकार /समाजसेवी
बोकारो, झारखंड,मोब- 9955509286
Leave a Reply
You must be logged in to post a comment.