Kaisa hoga apna Hindustan….!!

Suno–sunaai degi tumhe–
Bharat maa ki chittkaar
Lahoo bahe– jo mere beto ke
Kyu hota ja rahaa bekaar…??
Shahaadat mere laal ki
Chup pattharro mei simat gyi hai
Mujhpar mar mitna mere bachcho ka–
Kyu sirf kahaani bankar rah gyi hai.??
Kya sochkar wey hue the qurban
Ki-Aisa ho jayega apna Hindustan…..???

Raajneeti ki bayaare—-
Dishaaheen bahaa karengi…?
Har kisi ki zubaan —–
Jo chaahe kahaa karengi….?
Kyu mere bete aaj ke
Bhool gye hain farz aur Imaan
To kaho- kaisa hoga apna Hindustan…???

Ghooos aur bhrashtachaar
Qanoon ka manmaanaa vyavhaar
Kartavya saare bhool rahe hain
Yaad sirf adhikaar aur adhikaar
Ghatne lagaa hai abb–
Bare-buzurgo ka maan-samman
To kaho-kaisa hoga apna Hindustan…??

Sarkaari laabho ki jhappat
Garib bechare rahte bhatak-bhatak
Pheeke ho jaate unke arrmaan
To kaho-kaisa hoga apna Hindustan…..??

Ro rahi unki qurbaniyaa
Kahaa khatm ho gyi wo baichainiyaa..?
Wo tarrap—– wo junoon
Ki, baato-baato mein
Desh ke naam pr-ubal parrte the khoon
Aaj zaroorat hai sirf——
Sudhar jaaye logo ki maansiktaa aur Imaan
Phir kaho–kaisaa hogaa apnaa Hindustaan….!!!
Kaisaa hogaa apnaa Hindustan….

———Ranjit Tiwari “Munna”

Related Articles

Responses

+

New Report

Close