भोजपुरी देशभक्ति गीत-भारत देशवा हमार |

भोजपुरी देशभक्ति गीत-भारत देशवा हमार |
जहा बहे गंगा निर्मल धार |
उहे बाटे भारत देशवा हमार |
उत्तर हिमालय गगनवा के चूमे |
दखिन सगरवा लहरवा मे झूमे |
लहकल खेतवा बहे पूरवा बयार |
उहे बाटे भारत देशवा हमार |
जहा के जवान सिमवा पर दहाड़ेले |
धई दुशमनवा बहिया उखाड़ेले |
एक के बदले बदला चुकावेले हजार |
उहे बाटे भारत देशवा हमार |
बिंध बिंधवासिनी वैशणु जम्मू बिराजेली |
कामरूप कामाख्या दखिन काली माई साजेली |
देवघर बाबाधाम होला जय जय जैकार |
उहे बाटे भारत देशवा हमार |
झरखांड बिहार बाड़े देशवा के शान हो |
यूपी गुजरात आज हऊवे मोर जान हो |
रामराज आइल देशवा जगवा बधाई सरकार |
उहे बाटे भारत देशवा हमार |
झाँसी क रानी माहाराणा के देशवा |
आजाद भगत सिंह गांधी शुभाष के देशवा |
फह फह फहरे झण्डा माने सारा संसार |
उहे बाटे भारत देशवा हमार |
थर थर काँपे दुश्मन कुंवर सिंह के नाम हो |
मारी तलवरिया करे दुशमन तमाम हो |
काटी के बहिया आपन चढ़ावे गंगा जी के धार |
उहे बाटे भारत देशवा हमार |
बीर बिरसा के गाथा बखान हम करीला |
सिधु कान्हु के परणाम उनके नाम हम करीला |
झन झन तेगवा करे दुश्मन के ललकार |
उहे बाटे भारत देशवा हमार |
देशवा के माई हरदम शेरवा जनमावेली |
दुधवा पियाई उनकर सिनवा बढ़ावेली |
आवे न पावे दुश्मन सीमा यही पार |
उहे बाटे भारत देशवा हमार |

श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286
व्हात्सप्प्स -8210525557

Related Articles

कोरोनवायरस -२०१९” -२

कोरोनवायरस -२०१९” -२ —————————- कोरोनावायरस एक संक्रामक बीमारी है| इसके इलाज की खोज में अभी संपूर्ण देश के वैज्ञानिक खोज में लगे हैं | बीमारी…

Responses

New Report

Close