भोजपूरी लोकगीत (धोबी गीत )- दुशमन भाई के
हमरे देशवा के लागल केवना के नजर |
लोगवा दुशमन भईले भाई मे |
दंगा फइलल सगरो गाँव शहर |
रचले साजिश गिरावे देशवा खाई मे |
सबसे महान हऊवे हमरो भारत देशवा |
दुनिया कप्तान हउवे हमरो भारत देशवा |
काहे भटकल लोगवा आपन डहर |
लोगवा दुशमन भईले भाई मे |
मोदी जी महान बनवले नया रे कानूनवा |
हिन्दू सिक्ख जैनी मिली रहे भारत मे ठीकनवा |
मुस्लिम रहिहे मिलिके देशवा मे निडर |
लोगवा दुशमन भईले भाई मे |
रहि जे घुसपैठी खाली उहे बाहर जईहे |
बिदेशवा मे सतावल भाई देशवा मे रहिहे |
केवनों खतरा नईखे मुस्लिम निकाला अपना डर |
लोगवा दुशमन भईले भाई मे |
हत्या लुटपाट फसाद बाहरी करेले |
भोटवा खातिर नेता लोग उनके पालेले |
केहु बचिहे नाही घुसपैठीयन के कहर |
लोगवा दुशमन भईले भाई मे |
तोड़ फोड़ करेला काहे संपत्तियो जरावेला |
भोटवा के लालच नेता लोगवा भड़कावेला |
काहे बोवात बाड़ा देशवा मे जहर |
लोगवा दुशमन भईले भाई मे |
करा खूब बिरोध बाकी समझा ई कानूनवा |
फरक नाही पड़ी रही सलमत तोहरो मकनवा |
झांसा मे न आवा भारती संगे लूटा सब लहर |
लोगवा दुशमन भईले भाई मे |
श्याम कुँवर भारती [राजभर] कवि ,लेखक ,गीतकार ,समाजसेवी ,
मोब /वाहत्सप्प्स -9955509286
Leave a Reply
You must be logged in to post a comment.