Mohabbat se bhare har dil ki dhadkan mein ye tadpan kyu hoti hai

Dhadkta ek dil  mera ye do dhadkan kyu hoti hai

Ye hai iklass roohe pak, Ye dil hai tera asir

Isse uftaad na samjho ,Mere kismet ke ae kaafir.

Teri yaadein bhi na aaye,Ye koshish ki hai shiddat se

Magar na mit saki yadeein, Ye daulate se ibbadat se.

Is bhari Anjuman mein ye dil, Kahi pashemaan na ho jaye

Tu bhi tadpe sanam itna, Ki pareshaan na ho jaye

Ye iltifaat kab ehsaas ban gaya humko maloom na tha

Ye tasawwur se haqeeqat ban gaya humko maloom na tha.

Ye ab jaana ye ab samjha ye ehsaas hai bad-anjaam

Is rah mein hona hai tamaam umr fanna aur kurbaan.

Mohabbat se bhare har dil ki dhadkan mein ye tadpan kyu hoti hai

Dhadkta ek dil  mera ye do dhadkan kyu hoti hai

Mamta

All rights Reserved.

Hisse  ka ye ek kissa hai

Hisse ka kissa kehti hun

Kyu aadmi ne har jaree jaree ke hisse kar diye

Kyu shehar bate kyu gao bate kyu dhara ke hisse kar diye

Us maula ne ek dharti di ,ek aasman, ek chand diya

Kyu panchiyon ko pinjre mein aur nadi ko humne bandh liya

Hisse ka ye ek kissa hai

Hisse ka kissa kehti hun

Hisse mein sabke ghar bate,

Khet bate,jar bate,  jewar bate

Kaash ye bhi koi soch pata ki is hisse ki daud mein

Maa baap ko kisne maang liya

Hisse ka ye ek kissa hai

Hisse ka kissa kehti hun

Hisse ka lobhi sir chadke agar itraya na hota

Mahabhart ka yudh kisi duryodhan ne rachaya na hota

Na nari ka apmaan hota na ranbhumi yu lal hoti

Bhai bhai ko katwane ki ye bhayanak talwar na hoti

Hisse ka ye ek kissa hai

Hisse ka kissa kehti hun

Lena hi hai is hisse ko, to apne hisse mein pyar lo

Duaein lo, maat pita ke aashirwado ka haar lo

Phir dekho tumhari hisse mein sab duniya ki khusi aa jayegi

Charo aur khushhali aur taraqqi ki leher cha jayegi

Hisse ka ye ek kissa hai

Hisse ka kissa kehti hun

Mamta

All rights reserved.

Jab aakh khuli duniya mein to bahut sa pyar panne ki khwahishein thi

Aas pass dekha to jamane bhar ki aazmayishein thi

Aurat ban ke mai is duniya mein kya aa gayi

Jamane ne har kadam har waqt kurbani dene ki Gujarishein ki

Kabhi kabhi sochti hun kyun na mai ek parinda hoti

Udaas hoti to udaan bharti kabhi na akele roti

Kabhi bhul ke bhi bhul na kar payi kyuki mai to ladki thi, sayani thi

Bhai ki to har baat maaf thi kyuki us mein to nadani thi

Har pehra har deewar ladki ki ke liye kyu hoti hai

Aurat hi aurat ki dushman kyu hoti hai

Hum ye kyu bhul jaate hain ki Gandhi Nehru ko paida karne wali

Ek maa ek ladki ek aurat hi hoti hai

Beti thi isliye mujhe har sanskar tha maa se paana tha

Har farz har rishta mujhe hi kyu nibhana tha

Koi beto se ye kyu nahi kehta hai

Ki tumhe bhi har rishta moti sa sanjona hai

Pyar ka har rishta anmol hai kya paana kya khona hai

Har farz har jimmewari mere hi hisse mein kyu aaya

Sochti hun ladki banke maine kya paaya

Nehar aur pihar jode rakhna kya meri hi majboori hai

Farz ke saath saath haq milna bhi bahut jaruri hai

Aurat banke har waqt maine

Kuch khoya kuch paya

Ab jab maan banne kaa samay aaya

Socha shayad ab to rutba aur auhda bada hoga

Kya pata tha ab jindagi ka safar aur bhi sakht hoga

Sharir aur Aatma bahut thak gayi

Ek jaan ko is duniya mein lake

Phir bhi dil mein khushi kam na hui

‘Us nanhi si jaan ko badhta dekhke

Kuch kahi ankahi bateein aur saheli bhi peeche choot gayi

Ek naukri thi wo bhi maa ke farz ke liye choot gayi

Maa banana ek karishma se kam na laga

Khud kamujhe ek naya janam sa laga

Apni sudh bhud bhul ke ab mai fir mamta mein ram gayi

Apni ichayein bhul ke nanhi si jaan ke rang mein rang gayi

Ab baat samjah mein aayi jab maan kehti hai

Rab har jagah ho na ho

Isliye uski jagah maa rehti hai

Ya rab ek dua meri aakhri sun le

Agle janam mein bhi ek aurat hi banu mai phir se mujhe chun le

Itne shikhwe shikhayato ke baat bhi ye arz hai

Kyuki is duniya mein har aurat ka har saksh pe karz hai.
– Mamta