Category: भोजपुरी कविता

भोजपुरी गीत- तोहरे प्यार बिना |
गोरी तोहरे प्यार बिना दुनिया अन्हार बा |
मिलबु ना जबले तबले जियल बेकार बा |
प्यार सबके बांटेलु खाली हमरे के डांटेलु |
चिट्ठिया हमार गोरी हंसी हंसी बान्चेलु |
हमहू से बोला हंसी के येही के दरकार बा |
गोरी तोहरे प्यार बिना दुनिया अन्हार बा |
हम नाही जनली प्यार मे दुख बड़ा होला |
ताकेलू ना हमरी ओरिया मुख से त बोला |
प्यार मे डुबल गोरी देखा सारा संसार बा |
गोरी तोहरे प्यार बिना दुनिया अन्हार बा |
केतनों मनाई तोहके हमसे ना मानेलु |
जब देखा तब हमके मोबाइले से डांटेलु |
एक बेरी कही दा तोहके हमसे प्यार बा |
दिलवा के हाल का अब हम कही के बताई |
मनवा मे बसल बाड़ू कहा फाड़ी के देखाई |
मिल जईबु गरवा जहिया हमरो बेड़ा पार बा |
गोरी तोहरे प्यार बिना दुनिया अन्हार बा |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी गीत- नींदिया भईल फरार |
नींदिया भईल फरार जान जबसे तोहसे प्यार हो गईल|
जियल भईल मुहाल नैना जबसे चार हो गईल |
जईसन बा हाल हमरो तोहरो भईल का |
रात दिन खयाल हमरो तोहरो भईल का |
चैना भईल बेहाल परान हमरो जबसे यार हो गईल |
नींदिया भईल फरार जान जबसे तोहसे प्यार हो गईल|
गोरे गोरे मुंहवा आगे चनवा लजाला |
अँखिया के कोर जईसन बरछी भाला |
कैसे होई हमार गुजार जान तोहरो दरकार हो गईल |
नींदिया भईल फरार जान जबसे तोहसे प्यार हो गईल|
गोरी तोहरो चाल हीरिनिया जस डोलेले |
मंद मुस्कान जान करेजवे मे धंसेले |
बदनवा भईल गुलनार हमरो सरकार हो गईल |
नींदिया भईल फरार जान जबसे तोहसे प्यार हो गईल|
फरके जनी रहा हमारे लगवा तू आवा |
हंसी के तू बोला हमसे मोतिया झरावा |
भारती लाचार जान जबसे तोहरो दिलदार हो गईल |
नींदिया भईल फरार जान जबसे तोहसे प्यार हो गईल|
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

सावन में सावन में, एहे बरस के सावन मे
आवऽ न गोलकी झूला झूलाईं एहे बरस के सावन मे
सावन में सावन में , एहे……………………………………..
आवऽ न गोलकी झूला झूलाईं…………………………..
+++++++++++++-+++++++±+++±+++
साजन बऽनऽब हम सजनी तोहार
कोरस — सजनी तोहार गोलकी सजनी तोहार
झूला के लागल बा उहां कतार
कोरस —- उहां कतार गोलकी उहां कतार
सावन के चऽलऽता रंगीन ब्यार
कोरस —रंगीन ब्यार गोलकी रंगीन ब्यार
चारो ओरिया के देखऽ नजारा(२) एहे बरस के सावन मे
आवऽ न गोलकी झूला झूलाईं, एहे बरस के सावन में
सावन में सावन में, एहे _————————
आवऽ न गोलकी झूला झूलाईं…………………………
+±+++++++±++++++++++±±++++++++++++
धरती पे गिरल रिमझिम फुहार
कोरस — रिमझिम फुहार गोलकी रिमझिम फुहार
प्यार के चऽढऽल बा नयेका बुखार
कोरस —-नयेका बुखार गोलकी नयेका बुखार
रुस बू तऽ हो जाई मौसम बेकार
कोरस —मौसम बेकार गोलकी मौसम बेकार
साल भर पे आईल बसंत बहार (२ ) एहे बरस के सावन में
आवऽ न गोलकी झूला झूलाईं, एहे बरस के सावन मे
सावन में सावन में एहे,……………………………………..
आवऽ न गोलकी झूला झूलाईं…………. . ………..

भोजपुरी देबी गीत 3 – शक्ति बड़ा भारी |
काली मईया तोहार शक्ति बड़ा भारी |
हरला हर दुखवा हमरो सुना विनती हमारी |
सगरो जगत मे चर्चा तोहरो खाली होखेला |
बिना मरजी तोहरे केवनों पतवो ना डोलेला |
बिना तोहरे महिमा लउके जग मे अनहारी |
काली मईया तोहार शक्ति बड़ा भारी |
सबके दिहलु माई अन्न धन सोनवा |
अंधरन के आँख दिहलु बाझन के ललनवा |
भरिदा हमरो झोली मईया मांगी हथवा पसारी |
काली मईया तोहार शक्ति बड़ा भारी |
लाली लाली अँखिया काली काली केसिया |
लाल अड़हुलवा गरवा लाली लाली जीभिया |
हमके ना उबरबू माई औरी के उबारी |
काली मईया तोहार शक्ति बड़ा भारी |
करवा मे खप्पर शोभे मथवा बिंदिया लाली |
चमके तलवरिया हथवा काली कलकतावाली |
गाई भजनिया भारती नाचे तोहरो दुआरी |
काली मईया तोहार शक्ति बड़ा भारी |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 2 – दे दा चरनिया शरनिया |
दे दा चरनिया शरनिया माई बिनती करजोरिया |
शेरवा चढ़ी आवा माई ओढ़ी लाली चुनरिया |
गरवा मे हार फुलवा निमिया पड़ल झुलवा |
हथवा मे चूड़ी कंगना रूपवा चमके केतना |
हम हई भिखरीया माई फेरीदा नजरिया |
शेरवा चढ़ी आवा माई ओढ़ी लाली चुनरिया |
गईया के गोबरा से दुअरा लिपवली |
सोनवा के दिअवा मंदिरवा जरवली |
काटा मोर संकट माई मारी तलवरिया |
शेरवा चढ़ी आवा माई ओढ़ी लाली चुनरिया |
फूल अड़हुलवा के मलवा हम बनाइब |
नारियल सुपारी माई तोहे हम चढ़ाइब |
अबोध बलकवा माई हम हई तोहरो पुजरिया |
शेरवा चढ़ी आवा माई ओढ़ी लाली चुनरिया |
हो जाई उंजियार माई आवा मोर अंगनवा |
करी दा किरीपा माई भारती बा अरमनवा |
मिटावा अनहरिया मोर छाँटी दा बदरिया |
शेरवा चढ़ी आवा माई ओढ़ी लाली चुनरिया |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 1 – बिना दरसन जाइब ना |
केवन करनवा भुलइली माई बेटवा करे पुकार हो |
बिना दरस जाइब ना माई छोडब ना तोर दुयार हो |
अबोध बलकावा माई पूजा पाठ नाही जानीला |
जगदंबा जगजननी माई तोहके हम मानीला |
देई डा दर्शनवा माई दे दा आफ्ना दुलार हो |
केवन करनवा भुलइली माई बेटवा करे पुकार हो |
सोनवा के थारी हम उतारी आरती माई के |
फूल अड़हुलवा चरनवा चढ़ावे भारती माई के |
सिरवा चरनिया झुकाई माई के पूजे सब संसार हो |
केवन करनवा भुलइली माई बेटवा करे पुकार हो |
तुही हउ लक्षमी काली शारदा भवानी |
किरीपा करा हमपर भूली हमरो नादानी |
सबके तू कईलु माई करा हामरो विचार हो |
केवन करनवा भुलइली माई बेटवा करे पुकार हो |
बरम्हा विष्णु महेश माई तोहरे के पूजेले |
दुनिया चलाई कईसे तोहरे से पुछेले |
भारती डुबत नईया मईया लगा दा तानी पार हो |
केवन करनवा भुलइली माई बेटवा करे पुकार हो |
केवन करनवा भुलइली माई बेटवा करे पुकार हो |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 7 –जय हो माई दुर्गा भवानी |
जय हो माई दुर्गा भवानी |
तोहरे बा दिहल माई हमरो जवानी |
जय हो माई दुर्गा भवानी |
ऊंचे रे पहड़वा माई सच्चा दरबार बा |
बैशनों देवी पूजे माई सारा संसार बा |
महिमा तोहार का केतना बखानी |
जय हो माई दुर्गा भवानी |
बिंध्याचल मे माई मोर बिंधवासिनी कहाली |
दखिनेश्वर मे काली माई सबसे पुजाली |
कामख्या मे माई के अजबे कहानी |
जय हो माई दुर्गा भवानी |
शक्तिधाम सीतला कासी अन्नपूर्णा सब जानेला |
शारदा भवानी मैहर तोहरो सीढ़िया सब चढ़ेला|
दुनिया मे सबसे बाड़ू माई महाग्यानी |
जय हो माई दुर्गा भवानी |
मुंबादेवी मुम्बई काली घाट काली माई |
पूजी जे तोहके माई मनचाहा फल पाई |
माफ करा भारती माई सगरो नादानी |
जय हो माई दुर्गा भवानी |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 6 – माई के मंदिरवा हो |
भागत परात अइली माई के मंदिरवा हो |
बड़ा डर लागे कोरोनवा मन के अंदरवा हो |
खनक खनक बाजे माई काँच चूड़िया |
चमक चमक साजे माथे सिनुर बढ़िया |
डमक डमक बाजे ढ़ोल झाल मंदरवा हो |
भागत परात अइली माई के मंदिरवा हो |
बनी दुलहिनिया माई कईली सोरहो सिंगार |
रूपवा निरखी तोहार होई गईले उंजियार |
दम दम दमके माइके ललका ओहरवा हो |
भागत परात अइली माई के मंदिरवा हो |
बड़ी बड़ी अँखिया दुईगो कमल फुलवा |
कारी कारी केसिया लामी झूले झुलवा |
सोना के मुकुटवा माथे ललका चदरवा हो |
भागत परात अइली माई के मंदिरवा हो |
मह मह महके चम्पा चमेली गजरा मे |
छन छन छनके किरीपा तोहरे अँचरा मे |
मुंहवा के तेज जईसे चमके बिजरी बदरवा हो |
भागत परात अइली माई के मंदिरवा हो |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 5 – चुनी रे चुनी ना |
भगता के भाव बुझिला मनवा सोची रे सोची ना |
मईया मनावे भगता गावेले पचरा नाची रे नाची ना |
सोनवा के रथवा साजल लाल अड़हुलवा |
हाँकी दिहली ना चले लागल शेरवा झूमी रे झूमी ना |
ऊंचे रे पहड़वा लागल मइया के आसनवा |
करे शेरवा गरजनवा घुमी रे घुमी ना |
सोने के कलशवा साजल पुजल सारा जमनवा |
झूमी रे झूमी ना करे लोगवा माई दरशनवा|
घुमी रे घुमी ना |
निमिया के डार मईया लागल हरियर पतइया |
झूमी रे झूमी ना
करे मईया के वनदनवा झूमी रे झूमी ना |
केवन फुलवा लोभइलू माई केवन फुलवा ना |
चूमी रे चूमी ना
चढ़े माई के चरनिया चूमी रे चूमी ना |
लाल अड़हुलवा भावे मईया के बेला फुलवा ना |
चूमी रे चूमी ना
चढ़े मईया के चरनिया चूमी रे चूमी ना |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी देबी गीत 4 – डरावेला कोरोनवा |
डरावेला कोरोनवा डोले सारा जग संसार हो |
भगावा मारी त्रिशूलवा इहे माई विनती हमार हो |
चिनवा से आइल माई वाइरस कोरोनवा |
नमवा से काँपे सबकर थरथर परनवा |
करा किरीपा फिर से आवे देशवा मे बहार हो |
डरावेला कोरोनवा डोले सारा जग संसार हो |
मोदी जी देशवा लोकडाउन लगा दिहले |
निकलेना केहु घर से सबके सुना दिहले |
अँखिया तीसरी खोली कोरनवा करा संघार हो|
डरावेला कोरोनवा डोले सारा जग संसार हो |
आईल चैत्र नवरतनवा रखी कईसे कलशवा |
पड़ल संकट मे परान हमरो सगरो देशवा |
दूर होइहे दुखवा सबकर तोहरो महिमा अपरंपार हो |
डरावेला कोरोनवा डोले सारा जग संसार हो |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी धोबी गीत – भगा देता बैरी केरौना |
नाक करे सुकुर पुकुर बुखार ना उतरौना |
बलम हो भगा देता बैरी केरौना |
धीरज धरा धनिया बहरी पाँव ना उठौना |
मोर सुनरो हो भगा देईब बैरी केरौना |
जाइके बज़रिआ मसकिया ले आइहा |
हथवा धोवे वाला सबुनिया ले आइहा |
बलम हो ला देता नवका बिछौना |
बलम हो भगा देता बैरी केरौना |
सगरो देशवा मे लागल बा करफू नजरिया |
बंद भईले स्कूल कालेज बंद बा बज़रिआ |
मोदी जी लगवले देशवा मे लोकडौना |
मोर सुनरो हो कैईसे लियाई नवका बिछौना |
मोर सुनरो हो भगा देईब बैरी केरौना |
निकलबू जे बहरिया केरोना लग जाई |
घरवे मे रही के पहिले जनवा बचाई |
जनवा जे बची त लीआ देईब बिछौना |
मोर सुनरो हो भगा देईब बैरी केरौना |
बलम हो भगा देता बैरी केरौना |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी चइता गीत 4 – आज केरोनवा भगाइब ये रामा |
आज केरोनवा हम भगाइब ये रामा |
भारत देशवा |
सबकर जनवा हम बचाइब ये रामा|
भारत देशवा |
चिनवा से आइल ई पापी केरोनवा |
हरी लेला सबकर धईके परनवा |
मारी इनके माटी मे मिलाइब ये रामा|
भारत देशवा |
आज केरोनवा हम भगाइब ये रामा |
भारत देशवा |
मुहवा मे जलिया पहिनिया ये भईया |
सर्दी खांसी बुखरवा से बचिहा ये भईया |
नमवा केरोनवा देशवा मिटाइब ये रामा |
भारत देशवा |
करिहा नमस्ते हथवा केहु ना मिलइहा |
गंदा मत रहिहा हथवा हरदम धोइहा |
जाइके डॉक्टर साहेब जांचिया कराइब ये रामा |
भारत देशवा |
आज केरोनवा हम भगाइब ये रामा |
भारत देशवा |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी गजल- ठीक नईखे |
दिल लगाके दिल तोड़ल केहु के ठीक नईखे |
प्रीत लगाके मुंह मोड़ल केहु से ठीक नईखे |
कईली केतना प्यार तोहसे का काही हम |
छोड़ हमरा दिल दुशमन से जोडल ठीक नईखे |
राज क बात बा राज ही रहे दा अब |
बेवफा तू गाड़ल मुरदा उखाड़ल ठीक नईखे |
आँख से आँख मिला के देखा एक बार |
लहरात प्यार क गागर फोड़ल ठीक नईखे |
रख़ब तोहके अपने दिल मे करेजा नियन |
करेजा के कागज नियन फाड़ल ठीक नईखे |
तोहरे एक मुस्कान हजार जान कुर्बान बा |
कदरदान के मजधार मे छोडल ठीक नईखे |
रहा हरदम जवान जईसे गुलाब के बगान |
आशिक मेहरबान के निचोडल जान ठीक नईखे |
हमरी आँख के आँसू के मोल तू का जनबू |
यार टुटल घाव दिल के कूदेरल ठीक नईखे |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी चइता लोक गीत -3- बयार पुरवा ये रामा
लगे लागल आम के टिकोरवा ये रामा |
चइत मासे |
बहे लागल बयार पुरवा ये रामा |
चइत मासे |
मसूरी मटर खूब गदराई गइली |
पीयर सरसो अब नियराई गइली|
मगन कोयल गाए गनवा ये रामा |
चइत मासे |
पाकल बाली गेहूँ खेतवा लहराये |
पागल पपीहवा पीहू पीहू गाये |
चुये टप टप महुआ रस मदनवा ये रामा |
चइत मासे |
अँखियाँ मे नसा चढ़ल गोड्वा न जमीन पड़े |
बहकल बदनवा सजनवा कहा कहे |
मदन सतावे गोरी नजरवा ये रामा |
चइत मासे |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी चइता लोक गीत 2- काला तिलवा ये रामा|
(श्रिंगार रस)
गोरी-2 गलिया मे काला -2 तिलवा ये रामा|
हथवा मे शोभेला सोना के कगनवा ये रामा |
गोरी-2 गलिया मे काला -2 तिलवा ये रामा|
बरछी कटारी बा तोहरी नजरिया |
घायल करेलु सगरो बज़रिआ,तनी सोचा |
कारी बदरिया काली केसिया ये रामा |
मथवा पर चमकेला लाल बुंदवा ये रामा |
गोरी-2 गलिया मे काला -2 तिलवा ये रामा|
ये जान जुल्मी तोहरी ऊमीरिया |
दावे लागल मोर जीनिगिया ,तोहरे प्यार मे |
नागिन लचके तोहार चलिया ये रामा |
अँचरा के ऊड़ावे बैरी पवनवा ये रामा|
गोरी-2 गलिया मे काला -2 तिलवा ये रामा|
ये गोरी मीठ मिसरी तोहार बोलिया |
कनवा मे झूमे खूब कनबलिया |
चान चमके तोहरे मूहवा ये रामा |
दंतवा मे दमके मोतिया के दनवा ये रामा |
गोरी-2 गलिया मे काला -2 तिलवा ये रामा|
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी चइता लोक गीत 1-बितले फगुनवा ये सइया
बितले फगुनवा ये सइया ,
गऊआ लागल कटनिया के ज़ोर |
कईसे होइहे गेंहू के कटनिया मोर |
गऊआ लागल कटनिया के ज़ोर |
सुना-2 मोर परदेशी बालम
धईके आवा जल्दी रेलगड़िया |
चलल जाई खेतवा होते रे भोर |
गऊआ लागल कटनिया के ज़ोर |
सुना -2 मोर लेहुरा देवरवा |
चलावा ना दिन रात मोबइलिया |
करबा ना किसनिया खइबा का कौर |
गऊआ लागल कटनिया के ज़ोर |
सुना -2 मोर छोटकी ननदिया |
घूमा जनी तू खाली खरीहनवा |
मिली करा तू कटनिया माना न बतिया मोर |
गऊआ लागल कटनिया के ज़ोर |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी होली 13 -करे ले ठिठोली रे कान्हा |
करेले ठीठोली रे कान्हा कदमिया पर चढ़ी के |
रंगवा नहवावे रे सखिया गगरिया मे भरी के |
बड़ा रे ई बाउर लागे जमुना के पनिया हो |
मीठी फुसलाई कहे आवा राधा रनीया हो |
मारी पिचकारी ये सखिया अँचरा के धरी के |
करेले ठीठोली रे कान्हा कदमिया पर चढ़ी के |
केतनों लुकाई रे बनवा खोजी हमे ले ले हो |
झटके से आई कान्हा अंकवारी भरी ले ले हो |
डूबी मरी जाई रे सखिया जमुना मे डूबी के |
करेले ठीठोली रे कान्हा कदमिया पर चढ़ी के |
काहे लगवला कान्हा राधा संग पिरितीया हो |
रुकमनी के धई हथवा कईला काहे घतीया हो |
उठाई लेता हमके बिधना जईती हम मरी के |
करेले ठीठोली रे कान्हा कदमिया पर चढ़ी के |
श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी होली 12- बड़ा डर लागे केरोनवा से |
रंगवा लगाइब न अबिरवा लगाइब |
बड़ा डर लागे केरोनवा से |
अबकी फगुनवा खेलब ना होली ये भौजी |
बड़ा डर लागे केरोनवा से |
गलवा ना छूअब ना अँचरा के रंगब |
ना हथवा मिलाईब फगुनवा से |
साली से खेलब ना सरहज से खेलब |
केकरा से खेलब हम होलिया ये भौजी |
बड़ा डर लागे केरोनवा से |
झारखंड मे खेलब ना बिहार मे खेलब |
दिल्ली मे खिल्ली उढ़ावे केरोनवा ये भौजी |
कान्हा रंग बरसावे बरसनवा मे |
सर्दी से बची की खांसी से बची |
बीमारी से बची की महामारी से बची ये भौजी |
केकेरो ना देहिया सटाइब जजनवा से |
घरवा ना खेलब बहरिया ना खेलब |
खेलब ना होलिया बहरिया ये भौजी |
रंगवा लगाइब खरीहनवा मे |
पुआ ना खाइब पकवनवा ना खाइब |
घोरी भंगिया मुहवा ना चढ़ाइब ये भौजी |
बड़ा डर लागे केरोनवा से |
ना हथवा मिलाईब फगुनवा से |

श्याम कुँवर भारती (राजभर )
कवि/लेखक /समाजसेवी
बोकारो झारखंड ,मोब 9955509286

भोजपुरी होली 11 – सईया अईले ना भवनवा |
होली खेले तरसे मोर मनवा ना |
सइयाँ अइले ना भवनवा |
सबकर लऊटी अइले सजनवा ना |
उड़ेला गुलाल अब गगनवा |
छोड़ा नोकरिया सइया घरे चली आवा |
होलिया मे सइया जनी छछनावा |
धक धक धड़के मोर परनवा हो |
सइयाँ अइले ना भवनवा |
सइया तोहरी याद मोर बरसे नजरिया |
फागुन मे रंगवा खेले तरसे गुजरिया |
पगली कहे हमके जमनवा हो |
सइयाँ अइले ना भवनवा |
अइबा जे घरवा सोरहो सिंगार हम करब |
रंगवा अबिरवा तैयार हम करब |
खेलब संगवा होली इहे बा अरमनवा हो |
सइयाँ अइले ना भवनवा |

श्याम कुँवर भारती (राजभर)
गीतकार /कवि /लेखक
ढोरी ,बोकारो ,झारखंड
मोब -9955509286